Եթե Թռչկանի ՀԷԿ-ը կառուցվեր...

Բնությունը ներդաշնակություն է , իսկ  ներդաշնակությունը՝ գեղեցկություն:Ցավոք շահի համար շատերը պատրաստ են խախտել այդ ներդաշնակությունը: Բնության շատ հրաշքներ այսօր  վտանգված են մարդկային ընչաքաղցության պատճառով: Այդպիսի վայրերից է Թռչկանի ջրվեժը, որը գտնվում է Շիրակի և Լոռու մարզերի սահմանային հատվածում և համարվում է ՀՀ-ի բնության ամենագեղեցիկ հրաշալիքներից մեկը: Երեկ էկո ակումբի սովորողներով այն երջանիկներից էիք, ովքեր եղան  բնության այդ գողտրիկ անկյունում: Ջրվեժ հասնելու ճանապարհը շատ երկար է՝ անցնում է լեռների միջով, բարձանում է ու իջնում:Շուրջ 20 կմ ճանապարհը, որն անցանք  բեռնատար մեքանայի բեռնախցիկում կանգնած՝  մեր ճամփորդությունը դարձրեց շատ զվարճալի:

Կանգնած ենք  ջրվեժին դեմ դիմաց՝ վայելում ենք զովությունն ու գեղեցկությունը,լսում խլացուցիչ շառաչը:

 Ջրվեժին նայելով,ըմբոշխնելով նրա զովությունը՝ կտրվում ես նյութական աշխարհից և ձուլվում բնությանը…Բայց մի քանի քայլ անելուց հետո, մարդկային անխիղճ ձեռքը ինձ հետ վերադարձրեց իրականություն.ամենուրեք թափված էր  ուտելիքի մնացորդներ,թղթեր,շշեր… Սակայն խոզին բնորոշ երևույթը չէր միակ  հուզող հարցը, չէ:Կա շատ-շատ ավելի լուրջ խնդիր,որը թվում է թե լուծվել է, բայց վստահություն չկա,որ մի օր նորից չի սպառնա ջրվեժին:

 2010թ. ապրիլի 7-ին ՀՀ Հանրային ծառայությունները կարգավորող հանձնաժողովի որոշմամբ «Ռոբշին» ՍՊԸ-ին տրվել է 1050 Կվտ դրվածքային հզորությամբ «Թռչկան» փոքր հիդրոէլեկտրակայանը կառուցելու լիցենզիա, իսկ ՀՀ բնապահպանության նախարարության «Բնապահպանական փորձաքննություն» ՊՈԱԿ-ի կողմից «Թռչկան» փոքր հիդրոէլեկտրակայանի նախագծին տրվել է փորձաքննական դրական եզրակացություն: Քաղաքացիական տարբեր միջոցառումներ, ակցիաներ  կազմակերպվելուց հետո ՀԷԿ-ը կառուցելու որոշումը կանխվել է: 

Իսկ ի՞նչ կլիներ, եթե կառուցվեր ՀԷԿ-ը: Ջրվեժի հարակից տարածքների լանդշաֆտը և ջրային հավասարակշռության խախտման արդյունքնում կտուժվեին, և՛ ջրվեժը, և՛ այդ տարածքի, առանց այդ էլ խոցելի էկոհամակարգը: Ու ամենակարևորը ամբողջ ջուրը կգնա ՀԷԿ-ի  աշխատացմանը ու գյուղի ցանկատարածքները կզրկվեն  ջրից:  Օրինակ՝  Շաքիի ջրվեժը, որը քարերի վրայով հոսող առվի տպավորություն թողեց ինձ վրա: Բանն այն է,որ կառուցվել է ՀԷԿ, որի  արդյունքում փակվել է ջրվեժի ջուրը և այն գտագործվում է ՀԷԿ-ը աշխատացնելու համար:Ու միայն գումարը վճարելուց հետո է բացվում գեղեցիկ ջրվեժը: Իսկ դա բնության օրենքների մեջ չի տեղավորվում: Որոշ մարդկանց հարստացնելու պատճառով խախտվում է բնության ներդաշնակությունը ու մեծ հարված է հասցվում տեղի բնակչությանը:

Դեպի Թռչկանի ջրվեժ ակումբային մեր ճամփորդությունը զուգորդվեց հետաքրքիր ժամանցով և մտահոգիչ հարցերով, որոնց պատասխանները մեզանից յուրաքանչյուրի մեջ է: Բնությունը անպաշտպան է, իսկ  նրա ցասումը՝ սարսափելի...
Աննա Մկրտչյան, 12-րդ դասարան