Հանդիպումը կայացավ

Կայացավ Վայրի բնության պահպանության հիմնադրամի WWF հայաստանյան գրասենյակի տնօրեն Կարեն Մանվելյանի հետ հանդիպումը: Հանդիպումը կազմված էր երկու մասից. առաջին մասում ներկայացվեց էկոկրթական ծրագրերը կրթահամալիրում, դրանց հեռանկարները:

Հանդիպման երկրորդ մասը փոքր խմբով էր, մեր հյուրերը քննարկում ունեցան տիար Բլեյանի հետ:

Կարծում եմ արդյունավետ հանդիպում էր, քանի որ առաջարկվեց առաջիկա աշնանային ուսումնական արձակուրդներին կազմակերպել համատեղ ճամբարներ: Կարեն Մանվելյանն առաջարկեց երկու հատուկ պահպանվող տարածքներ ճամբարների կազմակերպման համար՝ մեկը մեզ արդեն հարազատ դարձած Զիկատարը, մյուսը՝ Շիկահողի արգելոցը:

WWF -ի հայաստանյան գրասենյակը հիմնականում զբաղվում է տարածաշրջանային խնդիրներով, բայց Հայաստանում մի շատ հետաքրքիր ծրագիր են սկում իրականացնել, որը կոչվում է Էկոմիջանցքներ: Ծրագրի միջոցով հատուկ պահպանվող տարածքները միացվելու են իրար, որը բավականաին լուրջ քայլ է ու, կարծում եմ, մենք էլ կկարողանանք այդ ծրագրում մեր մասնակցությունը ունենալ:

Հանդիպումը ստացվեց: Մեր համագործակցությունը WWF-ի հետ կլինի շատ հեռանկարային և էկոկրթությունը մի նոր հարթություն կբարձրանա: